Áskoranir frá aðalfundi Samfylkingarinnar á Akureyri

Áskorun til ríkisstjórnar Íslands og Þingflokks Samfylkingarinnar:

Aðalfundar Samfylkingarinnar á Akureyri haldinn í Lárusarhúsi 17.mars 2011 samþykkir að skora á ríkisstjórnina og þingflokk Samfylkingarinnar að standa við fyrirheit í stefnu flokksins og samstarfsyfirlýsingu ríkisstjórnarinnar um innköllun allra aflaheimilda.  Fundurinn leggur áherslu á að skýr ákvæði um þjóðareign auðlinda verði fest í stjórnarskrá og að endurúthlutun tímabundinna aflaheimilda fari fram í opnum viðskiptum.

Áskorun til ríkisstjórnar Íslands og Þingflokks Samfylkingarinnar:

Aðalfundar Samfylkingarinnar á Akureyri haldinn í Lárusarhúsi 17.mars 2011 samþykkir að skora á ríkisstjórnina og þingflokk Samfylkingarinnar að beita sér til árangurs fyrir skarpari og réttlátari uppstokkun fjármálakerfisins.

Fundurinn leggur áherslu að jafnaðarmenn komi á  skilvirku eftirliti með fjármálamarkaði þannig að unnt verði að hemja áhættusækni og koma böndum á sjálftöku og græðgi samhliða því að réttarstaða lántakenda gagnvart lánakjörum og skilmálum verði bætt.