Archive for Fundir

Félagsfundur um Lárusarhús

Stjórn félagsins boðar til félagsfundar fimmtudaginn 9. nóvember kl. 20. Umræðuefni er kauptilboð í hús félagsins, Lárusarhús.

 

Félagsfundur 3. febrúar – tillaga

Stjórn Samfylkingarinnar á Akureyri hefur borist ein tillaga að ályktun til félagsfundarins þann 3. febrúar n.k.  Til félagsfundarins er boðað að frumkvæði félagsmanna um stöðu Samfylkingarinnar á landsvísu.

Hún er þannig:

“Allt frá lokum síðasta kjörtímabils hefur fylgi Samfylkingarinnar á landsvísu farið minnkandi.  Núverandi forystu Samfylkingarinnar hefur ekki tekist að skapa traust kjósenda á flokknum. Til að ná Samfylkingunni upp úr þeirri djúpu lægð sem hún er nú í telur Samfylkingin á Akureyri nauðsynlegt að boðað verði til landsfundar fyrir vorið. Þar gefist forystunni tækifæri til að endurnýja umboð sitt  eða nýr formaður og  forysta verði kjörin.  Það má ekki seinna vera til að nýrri forystu gefist tími til að undirbúa málefni, efla starf flokksins og stuðla að endurnýjun fyrir næstu alþingiskosningar.

Jafnaðarstefnan á mikinn stuðning meðal Íslendinga og jafnaðarmenn á Íslandi þurfa að endurvinna traust kjósenda.  Til að svo megi verða er nauðsynlegt að kjósendur trúi því að Samfylkingin standi vörð um hefðbundin baráttumál jafnaðarmanna.

Samfylkingin á Akureyri hvetur önnur samfylkingarfélög til að taka undir þessa ályktun.  Í stöðu eins og nú er uppi verða almennir flokksmenn að láta til sín taka þegar forystunni hefur mistekist að halda baráttumálunum á lofti og knýja fram nauðsynlegar þjóðfélagsbreytingar fyrir almenning á Íslandi.”

Tillagan verður lögð fram á félagsfundinum sem haldinn verður í Lárusarhúsi miðvikudaginn 3. febrúar kl. 20.

Félagsfundur 3. febrúar 2016

Stjórn Samfylkingarinnar auglýsir félagsfund í Lárusarhúsi miðvikudaginn 3. febrúar kl. 20.  Umræðuefni fundarins er staða Samfylkingarinnar á landsvísu.  Eftir þessum fundi var óskað af félagsmönnum Samfylkingarinnar á Akureyri.  Ef félagsmenn hafa áhuga á því að leggja fram ályktanir fyrir fundinn þá þurfa þær að hafa borist stjórn í það minnsta sólarhring fyrir fund.

Stjórnin

Félagsfundur 1. október n.k.

Stjórn Samfylkingarinnar hefur blásið til félagsfundar fimmtudagskvöldið 1. október kl. 20.  Samkvæmt lögum skal stjórn leggja fram starfs- og fjárhagsáætlun fyrir veturinn.

Auk umræðu um starfsáætlun ætlar stjórnin að óska eftir umboði félagsmanna til að kanna mögulega sölu Lárusarhúss og þá hvað kostir standa félaginu til boða í öðru húsnæði.  Það má reikna með góðri umræðu um þessi mál.

Félagsfundur 22. september kl. 20

Félagsfundur Samfylkingarinnar á Akureyri verður haldinn mánudaginn 22. september n.k. kl. 20.

Dagskrá fundarins:

  • Starfs- og fjárhagsáætlun stjórnar
  • Heimild til veðsetningar á fasteign félagsins vegna uppgjörs kosninga
  • Meirihlutasamstarfið – Logi Már Einarsson
  • Önnur mál.

Starfsáætlun (pdf)